Please ensure Javascript is enabled for purposes of website accessibility
EUR
GBP
RUB
USD
TRY
1.8451
2.1608
0.0189
1.7
0.0528
EUR
1.8451
GBP
2.1608
RUB
0.0189
USD
1.7
TRY
0.0528

Tez-tez verilən suallar

1İnvestisiya portalı nədir?
İnvestisiya portalı Azərbaycan Respublikasının Kiçik və Orta Biznesin İnkişafı Agentliyinin (KOBİA) və Avropa ittifaqının birgə layihəsi əsasında ərsəyə gəlmişdir. Portalın məqsədi Azərbaycanda kiçik və orta sahibkarlıq subyektlərinin investisiya imkanlarını genişləndirməkdir.
2Portal kimlər üçün nəzərdə tutulub?
Portaldan biznes layihəsi olan, investor axtaran, mövcud biznesini satmaq istəyən və ya qeyd edilən layihələrə yatırım etmək istəyən şəxslər yararlana bilər.
3Portalda yerləşdirilən layihələr və elanlar hamı üçün açıqdırmı?
Portalda yerləşdirilən məlumatlardan ancaq təsvir bölməsi bütün istifadəçilər üçün açıqdır. Qalan məlumatlar sahibi tərəfindən əvvəlcədən təyin olunmuş əsaslarla qorunur.
4Beynəlxalq layihələrin prortalda yerləşdirilməsi mümkündür?
Portal Azərbaycan Respublikası üzrə investisiya layihələrini və digər biznes ideyalarını özündə cəmləşdirən məlumat bazası olmaqla üç dildə - Azərbaycan, ingilis və rus dillərində fəaliyyət göstərir. Layihəni və ya elanı daxil edərkən dil seçimi etməniz və seçilmiş dillər üzrə məlumatları daxil etməniz mütləqdir.
5Yerləşdirilmiş layihələrin maliyyələşdirilməsinə zəmanət verilir?
Qeydiyyatdan keçmiş və investisiya layihəsini portala yükləmiş istifadəçi bilməlidir ki, portala yüklənmiş investisiya layihəsinin mütləq şəkildə dövlət vəsaiti hesabına və ya portal tərəfindən maliyyəşdirilməsi nəzərdə tutulmur.
6Portalın xidmətlərindən istifadə ödənişlidir?
Portalda qeydiyyat və məlumat yerləşdirilməsi xidmətləri pulsuzdur. Hər hansı bir xidmət üçün ödəniş tələb olunduğu halda portal rəhbərliyi müvafiq bölmədə bu barədə məlumat yerləşdirəcək.
7İnvestor niyə qeydiyyatdan keçməlidir?
Portalda avtorizasiyadan sonra investor dərc edilmiş layihələrin əlavə məlumatlarına və onların müəlliflərinin əlaqə məlumatarına çıxış əldə edir. Bundan əlavə, investor onu maraqlandıran sektorları göstərməklə öz investisiya təkliflərini yerləşdirə və biznes layihələrinin müəlliflərindən təklif gözləyə bilər. Saytda investor kimi qeydiyyatdan keçmək Biznes Platforması tərəfindən təşkil olunan bütün tədbirlərə, o cümlədən qapalı təqdimat sessiyalarına, işgüzar səhər yeməyi formatında işgüzar görüşlərə, konfranslara və ustad dərslərinə dəvətlər almağa imkan verir.
8Portalda nələr qadağandır?

Portalda aşağıdakılar qadağan olunur: 

  • Səlahiyyət olmadan başqa şəxslərin və ya hər hansı şirkətin adından çıxış etmək və özünü nümayəndə kimi təqdim etmək;
  • Portalın normal fəaliyyətinə mane olmaq; İnvestisiya layihəsini və ya başqa biznes ideyanı yerləşdirərkən yalnış məlumatlar daxil etmək, başqalarına məxsus logo və ya fotoşəkillər istifadə etmək və təklifi bilərək yanlış kateqoriyada yerləşdirmək;
  •  Azərbaycan Respublikasının qanunvericiliyinə uyğun olaraq müvafiq əqd və ya müqaviləni bağlamaq üçün hüquq və fəaliyyət qabiliyyəti olmadan portalın xidmətlərindən istifadə etmək;
  • Yalançı, qeyri-dəqiq, aldadıcı, böhtan xarakterli məlumatlar yerləşdirmək;
  • Portalın əvvəlcədən verilmiş icazəsi olmadan portalın xidmətlərindən istifadə etmək üçün robotlardan, məlumat toplayan və çıxaran proqramlardan və digər avtomatlaşdırılmış proqramlardan istifadə etmək;
  • Portala məxsus olan və ya portal tərəfindən lisenziya əsasında istifadə edilən müəlliflik hüquqlarından, patentlərdən, məlumat bazalarından, proqramlaşdırma kodlarından və digər əqli mülkiyyət hüququ predmetlərindən qeyri-qanuni şəkildə istifadə etmək;
  • Üçüncü tərəfin müəllif hüquqularını və ya portaldan istifadə şərtlərini pozmaq; Portalın rəsmi icazəsi olmadan istifadəçi profaylını üçüncü şəxsə satmaq, icarəyə vermək və ya digər formada özgəninkiləşdirmək;
  • Portalın iş prinsipinə mane olacaq spam və ya virusları yaymaq; İstifadəçinin icazəsi olmadan həmin istifadəçinin elektron poçt və ya digər şəxsi məlumatlarını toplamaq və saxlamaq;
  • Əgər portal müstəsna olaraq öz mülahizəsinə əsasən istifadəçi tərəfindən portaldan sui-istifadə edilməsi qənaətinə gələrsə, istifadəçinin hesabını məhdudlaşdıra, müvəqqəti olaraq dayandıra və ya ləğv edə bilər, habelə istifadəçinin portalda yerləşdiridyi bütün növ məlumatları geri qaytarılmamaq şərtilə silə və istifadəçinin portaldan istifadə etməsinin qarşısını almaq üçün öz imkanları daxilində olan və qanunla yol verilən bütün vasitələrdən istifadə edə bilər;

Siz, təklif etdiyiniz məhsulun təsvirinin dəqiqliyi və məzmununa görə məsuliyyət daşıyırsınız.

Powered by Froala Editor

Sending the project to e-mail:




Cancel