Biznes layihəsinin təsviri:
"KuiKaan Chocolate": Azərbaycanda Premium, Təbii bean to bar şokolad istehsalı
"KuiKaan Chocolate" olaraq, Azərbaycanın idxaldan yüksək dərəcədə asılı olan şokolad bazarında ilk yerli, 100% təbii və "bean to bar" (kakao dənəsindən birbaşa şokolada) premium şokolad brendini yaradırıq. Hədəfimiz, sağlam həyat tərzinə üstünlük verən və keyfiyyətli məhsul axtaran, sürətlə böyüyən (illik 25-30%+) müştəri seqmentinə çatmaqdır. Unikal kafe-atelye konseptimizlə şəffaf istehsal prosesini, canlı dadım tədbirlərini və praktik məşğələləri birləşdirərək müştərilərə sadəcə məhsul deyil, unikal bir təcrübə təqdim edəcəyik.
Yüksək keyfiyyətli idxal kakao dənələri ilə yanaşı, yerli fermerlərin fındıq, qoz və bal kimi xammallarından istifadə edərək həm yerli iqtisadiyyata dəstək olacaq, həm də idxal markalarına nisbətən daha əlçatan qiymətə üstün keyfiyyət təklif edəcəyik. ESG prinsiplərinə sadiqliyimiz və tullantısız istehsal modelimiz (kakao qabıqlarının dəyərləndirilməsi) bizi fərqləndirən digər amillərdir. MVP (Minimal Viable Product) mərhələsində ilk satışlarımızla bazarın tələbatını təsdiqləmişik.
837,981.51 AZN investisiya qarşılığında 45% pay təklif edirik. Bu vəsait istehsal avadanlıqlarının alınması, kafe-atelyemizin qurulması, brendinqin gücləndirilməsi və əməliyyat xərclərinin qarşılanmasına yönəldiləcək. Proqnozlaşdırılan yüksək mənfəət marjası (78.5% GP) və artan EBITDA ilə investisiyanın təxminən 2.5 il ərzində geri dönməsini gözləyirik. Gələcək hədəflərimiz arasında ixrac, françayzinq və "KuiKaan Chocolate Akademiyası"nın yaradılması da var.
